Abel Caballero, como presidente da Federación Española de Municipios e Provincias (FEMP), e nun alto grado de “sintonía” co goberno estatal de Pedro Sánchez, xa se reuniu con catro ministras do mesmo.

Os encontros mantidos coas Ministras de Política Territorial e Función Pública, Meritxell Batet; de Facenda, María Jesús Montero, de Transición Ecolóxica, Teresa Ribeira, e de Defensa, Margarita Carballos, levaron a diferentes acordos, ou propostas cando menos.

Neste senso, analizou coa Ministra de Defensa a incorporación aos Corpos de Policía Local de soldados profesionais que finalizaron a súa carreira no Exército. Sobre esta materia, informou de que se están estudando vías de colaboración.