InicioVigo e contornaRedondelaO pleno de Redondela votará o mércores a aprobación inicial do PXOM

O pleno de Redondela votará o mércores a aprobación inicial do PXOM

O Concello decidiu ampliar o prazo de alegacións a tres meses para favorecer "que todos os veciños teñan tempo de estudalo".

PUBLICADO O

- Advertisement -

O Concello de Redondela levará o Plan Xeral de Ordenación Municipal (PXOM) para a súa aprobación inicial no pleno do próximo mércores, día 21 de febreiro. Tal como informou o goberno local, a partir de que se produza este trámite, facilitaranse á cidadanía todos os medios dispoñibles para que coñezan o plan e poidan facer as súas alegacións.

“Temos claro que o PXOM é un documento dos veciños, polo que era imprescindible contar co resto dos grupos políticos para redactar un plan participativo, transparente e consensuado”, explicou a alcaldesa, Digna Rivas.

Por iso, a pesar de que a normativa establece dous meses para as alegacións, o goberno redondelano decidiu amplialo a tres, “para favorecer que todos os veciños teñan tempo de estudalo, saber como lle vai a afectar e poidan facer as alegacións que estimen oportunas”.

O Concello lembrou que a redacción do plan contratouse en 2015 e, durante 2021, realizáronse máis dunha quincena de reunións técnicas e políticas nas que participaron non só os técnicos redactores do documento, senón técnicos e persoal de Urbanismo, así como representantes de todos os grupos políticos da corporación municipal.

ÚLTIMAS

Morre unha muller tras esborrallarse en pleno centro de Vigo

Unha muller de 56 anos de idade, M.A.S.M.,  faleceu na mañá deste venres en...

Tenta tirar pola xanela á súa parella tras unha discusión nun piso da rúa Pazo

Axentes da Policía Local detiveron a un veciño da cidade, M.F.C., de 41 anos, como presunto...

Queres saber como é a nova torre de control dixital de Peinador?

Trece monitores de 55 polgadas cada un que recollen as imaxes captadas por máis...

O conselleiro de Sanidade sobre a próxima entrada en vigor do novo contrato de Povisa: “Ninguén vai obrigado”

O conselleiro de Sanidade, Antonio Gómez Caamaño, ratificou este mércores que para abril --o...