A Bienal de Venecia de Arquitectura acollerá ata o próximo mes de novembro varias maquetas de madeira dos ‘jalpóns’ do Festival de Cans, así como material gráfico e unha videoinstalación relacionada co proxecto.
Segundo informou a organización este martes, a participación do Festival de Cans na Bienal de Arquitectura xa estaba prevista o pasado ano, no entanto, tivo que posporse debido á pandemia do Covid-19.
Os arquitectos que desenvolveron o proxecto ‘Cans, arquitectura de consenso’ son Juan Creus e Covadonga Carrasco, quen propuxeron unha reflexión ao redor desta aldea do Porriño e o seu territorio.
A organización do festival puxo en relevo que máis de 400 proxectos optaron a estar presentes no pavillón de España na Bienal, dos que “só 34 foron seleccionados”, incluído o do Festival de Cans.
Doutra banda, a organización remarcou que o Festival de Cans foi convidado este martes a participar nun coloquio do Festival de Cinema Africano de Tarifa – Tánxer, no que se reflexionou sobre a aproximación do cinema ás pequenas vilas e aldeas afastadas dos epicentros culturais habituais.
O Festival de Cans celebrará o seu XVIII edición do 1 ao 4 de setembro na parroquia de Cans, no Porriño. En total 208 curtametraxes, videoclips e obras diversas inscribíronse para buscar un oco entre os traballos finalistas.
