InicioSucesosConduce por Porriño drogado con cocaína e cannabis un tractor sen seguro,...

Conduce por Porriño drogado con cocaína e cannabis un tractor sen seguro, carné, luces nin ITV pasada

PUBLICADO O

- Advertisement -

A Garda Civil interceptou no municipio pontevedrés do Porriño a un veciño conducindo un tractor agrícola despois de perder a totalidade dos puntos do seu permiso de conducir. O tractor foi interceptado por efectivos do Destacamento de Tráfico da Garda Civil do Porriño cando circulaba por unha estrada local á altura da parroquia de Torneiros.

O condutor, que resultou ser un veciño do Porriño, de 32 anos, circulaba ademais baixo os efectos das drogas, ao confirmarse polo laboratorio os resultados do test indiciario, dando resultado positivo en cannabis e cocaína.

Tractor intervido/ Guardia Civil

A situación irregular deste tractorista agravouse, aínda máis, ao comprobar os compoñentes da patrulla que o vehículo, ademais de non levar ningún dispositivo de iluminación, non pasara a preceptiva ITV e tamén carecía do preceptivo seguro obrigatorio.

Esta actuación, que deu lugar ás correspondentes denuncias administrativas e á inmovilización cautelar do tractor, levou a cabo no marco da campaña que se iniciou na segunda quincena do pasado mes de novembro sobre o uso seguro do tractor nas vías de comunicación.

O obxectivo desta campaña, que pretende reducir o número de accidentes de circulación nos que estean implicados os tractores agrícolas, ten por finalidade sensibilizar aos usuarios deste tipo de vehículos sobre os riscos asociados ao seu manexo e condución e a facilitar información sobre as medidas de prevención fronte a envorco (o accidente máis habitual nestes casos), e a proporcionar consellos de seguridade viaria mediante a repartición de trípticos informativos.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...