Un accidente múltiple en Mos saldouse con dúas persoas feridas, segundo informou o 112 Galicia. O accidente tivo lugar no quilómetro 13 da A-55, ao seu paso por esta localidade, e implicou a catro vehículos.

O 112 foi alertado por un particular pouco antes das 11,30 horas deste xoves. A pesar da aparente magnitude da colisión, os membros do Servizo de Emerxencias de Mos indicaban que as persoas feridas non parecían revestir gravidade.

No operativo colaboraron o persoal dos servizos sanitarios, a Garda Civil de Tráfico, e o GES de Mos.