Veciños e membros da Comunidade de Montes que o pasado 30 de novembro manifestáronse no acto de inicio das obras de construcción da Cidade Deportiva do Celta en Mos, comezaron a recibir sancións polos feitos.
Así o fixeron público nunha mensaxe membros da comunidade de Montes de Tameiga que piden a todos os sancionados pórse en contacto coa Comunidade de Montes para realizar un recurso conxunto.
Un cruze de denuncias
As partes implicadas levan un tempo cruzando denuncias entre eles. Así a Comunidade de Montes de Tameiga denunciou o pasado mes de novembro ante Fiscalía, un posible delito de prevaricación e suborno cometido polo presidente do Real Club Celta de Vigo, Carlos Mouriño, e a alcaldesa de Mos, Nídia Arévalo, na sinatura do convenio para a construción do centro comercial que contempla a cidade deportiva do club de fútbol vigués.
Solicitaron que se investigase se os termos do convenio, validado posteriormente en sesión plenaria do Concello, constitúen unha infracción do artigo 404 do Código Penal e da Lei do Chan do Galicia.
A comunidade, que aclaraba daquela que a denuncia se centrábse na construción do centro comercial e non na cidade deportiva do Celta, asegurando que o club e o Concello “omitiron” no convenio que a lei establece que para desenvolver un plan, os promotores deben posuír o 50 por cento dos terreos. “No convenio asinado comprométense a recalificar 1 millón de metros cadrados, pero a parte que vai desenvolver o plan non é posuidora dos terreos”
