InicioVigo e contornaVigoCaballero sobre os investimentos na casa consistorial viguesa: "Doulle prioridade aos cidadáns"

Caballero sobre os investimentos na casa consistorial viguesa: “Doulle prioridade aos cidadáns”

O alcalde vigués recoñeceu que o Concello de Vigo, inaugurado no ano 76 polo rei Juan Carlos I, ten serias deficiencias, pero proclamou: "Eu decidín que gastaba o diñeiro de Vigo para a xente de Vigo".

PUBLICADO O

O alcalde de Vigo, Abel Caballero, saíu ao paso este luns das críticas do comité de persoal do Concello sobre a falta de funcionarios e as deficiencias nas instalacións municipais, e explicou que non se inviste máis en reformas porque dá “prioridade” ao gasto para os cidadáns, como as humanizacións de rúas ou as axudas a persoa vulnerables.

Así o trasladou nunha rolda de prensa, en resposta a preguntas dos medios sobre as declaracións do comité de persoal, que acusou o rexedor de non respectar aos traballadores municipais nin aos seus representantes.

O alcalde recoñeceu que o Concello de Vigo, inaugurado no ano 76 polo rei Juan Carlos I, ten serias deficiencias, pero proclamou: “Eu decidín que gastaba o diñeiro de Vigo para a xente de Vigo”.

Caballero indicou que si se está investindo nos parques de bombeiros, e estanse facendo melloras no edificio consistorial, pero el dá “prioridade aos cidadáns, ás súas rúas, ao campo do Celta, a accións de política social, …”. Así mesmo, engadiu, cuestionado sobre se recibirá ao comité, que os representantes dos funcionarios teñen “reunións permanentes” coa concelleira de Persoal.

Tamén lembrou o rexedor olívico que tentou comprar á Xunta o edificio da Pinga de Leite para sede da Policía Local e o goberno galego negouse. “Non vin que o comité de persoal protestase entón”, apostilou.

A reforma integral do Concello de Vigo e a súa contorna é un proxecto anunciado desde hai anos. En 2009 o goberno local encargou ao arquitecto Rafael Moneo que deseñase unha actuación (un traballo polo que cobrou case 120.000 euros) pero esta nunca se fixo realidade, e iso a pesar de que, algúns anos despois, Abel Caballero insistía en que o proxecto Moneo seguía “vivo” e á espera de que acabase a crise económica de entón.

O pasado ano 2022, o alcalde anunciou unha reforma integral da fachada do edificio, para a que se optaba a varios millóns de euros de fondos europeos, e chegou a explicar que se convocaría un concurso de ideas para levar a cabo esa operación de rehabilitación.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...