InicioDestacadasOrganizadores do Marisquiño buscan nova localización para o Dirt Jump ante a...

Organizadores do Marisquiño buscan nova localización para o Dirt Jump ante a “falta de resposta” do Porto de Vigo

Xa en 2021, O Marisquiño anunciou que cancelaba a súa edición ante a "imposibilidade de obter apoios institucionais suficientes"

PUBLICADO O

- Advertisement -

Os organizadores do festival O Marisquiño aseguraron este mércores que están a buscar un novo espazo para a celebración da proba mundial do Dirt Jump ante a “falta de resposta” do Porto de Vigo á petición formulada para celebrar a dita actividade deportiva no seu emprazamento habitual, o Paseo das Avenidas.

Nun comunicado, indicaron que o pasado 8 de setembro solicitouse a cesión de espazos portuarios para o festival. “Vencido o prazo legal de 90 días que o Porto de Vigo tiña para responde, a lei establece que o silencio da Autoridade Portuaria debe entenderse como unha denegación do permiso pertinente para celebrar no Paseo das Avenidas dita actividade”, explicaron.

Ante esta situación, O Marisquiño compartiu as súas inquietudes coa Federación Internacional de Dirt Jump, que esixiu á organización a necesidade de buscar un espazo alternativo que ofreza seguridade e estabilidade para o próximos tres anos e “compromisos firmes e seguros” en materia de organización.

“O Marisquiño non pode correr o risco de perder unha das súas probas emblemáticas pola falta de resposta dunha administración á súa petición para pechar o emprazamento de forma definitiva”, lamentaron os organizadores, que esperan poder anunciar nas próximas semanas o novo espazo.

Esta non é a primeira vez que os organizadores do festival expoñen as súas queixas ás administracións. Xa en 2021, O Marisquiño anunciou que cancelaba a súa edición ante a “imposibilidade de obter apoios institucionais suficientes” e dixo que “non volvería celebrarse en Vigo”. Con todo, si houbo festival e tivo lugar na cidade olívica.

ÚLTIMAS

Un acusado de agresión sexual en Vigo di que parou cando ela llo pediu e a muller considera que superou os límites

Un acusado de agredir sexualmente a unha muller en Vigo asegura que parou a...

Caballero dá por sentado que “Vigo é sede do Mundial” tras a renuncia de Málaga

O alcalde de Vigo, Abel Caballero, deu por sentado que a cidade "é sede do...

Feirantes denuncian trato “inxusto e arbitrario” por parte do Concello do Porriño

A asociación de Empresarios de Atraccións de Feira de Galicia (Emafega) denunciou o trato...

Cardioloxía do Cunqueiro utiliza por primeira vez a nivel mundial unha nova técnica para repor unha prótese aórtica

O servizo de Cardiología do hospital Álvaro Cunqueiro de Vigo realizou o primeiro implante...