InicioVigo e contornaVigoA oposición do Concello de Vigo esixe un plan para evitar as...

A oposición do Concello de Vigo esixe un plan para evitar as “quilométricas” retencións deste luns

O alcalde de Vigo, Abel Caballero, a preguntas dos xornalistas durante a súa rolda de prensa diaria, asegurou que "a Policía Local está a encargarse de reordenar o tráfico".

PUBLICADO O

- Advertisement -

A oposición de Vigo demandou este martes ao Concello da cidade olívica un plan eficaz que evite as “quilométricas” retencións rexistradas este luns, 26 de decembro, día no que a sala de tráfico municipal rexistrou a entrada duns 53.000 vehículos na cidade, un feito que supuxo unha “marca histórica”.

A delegada territorial da Xunta en Vigo e candidata do Partido Popular (PP) á alcaldía da cidade olívica, Marta Fernández-Tapias, tachou de “preocupante” a situación vivida este luns, 26 de decembro, nas rúas de Vigo.

“O colapso absoluto comeza a ser habitual na cidade olívica. As luces de Nadal son estupendas e, desde logo, é un gran atractivo para Vigo pero a xestión é absolutamente nefasta”, criticou Fernández-Tapias.

A representante autonómica tamén lembrou que “levan semanas” advertindo da “ausencia” de plans alternativos para que as rúas non se colapsen ante a cantidade de vehículos que chegan a Vigo nestas datas.

“Non existe un plan, non existen aparcadoiros disuasorios porque Caballero non quere, non hai lanzadeiras, non existen operativos policiais, a Policía Local non pode facer fronte ao problema porque non hai axentes dispoñibles. É un absoluto caos e esta é unha situación que se debe solucionar canto antes“, sentenciou.

Pola súa banda, o portavoz de Marea de Vigo, Rubén Pérez, “non entende” como se puideron saturar “todos e cada un dos accesos da cidade durante horas sen que exista ningún operativo preparado”.

Ou ben non se tivo en conta ou ben estamos ante unha improvisación absoluta nas rúas pechadas ao tráfico e nos accesos á cidade. Foi absolutamente demencial que non existise nin un mínimo operativo para permitir que circulasen con garantías vehículos de emerxencias por case todo o centro urbano”, cuestionou.

“CAOS PERIGOSÍSIMO”

Así mesmo, o Bloque Nacionalista Galego (BNG) tachou as retencións vividas este luns, 26 de decembro, de “caos peligrosísimo”.

“Houbo retencións que colapsaron a mobilidade en practicamente toda a cidade, que prexudican aos veciños e supoñen un grave risco en materia de seguridade. Estamos a ver escenas de ambulancias, dotacións de policía ou vehículos de emerxencias que non poden avanzar no medio de retencións quilométricas”, reprobaron desde o BNG.

A formación nacionalista asegurou que a situación vivida este luns, 26 de decembro, “non é o resultado da falta de previsión”, xa que se algo previu e promovido “deliberadamente” o goberno local foi, precisamente, encher a cidade con milleiros de visitantes. “Non se planificou nin a ordenación do tráfico nin o dispositivo de seguridade”, criticaron.

Por iso, o BNG insistiu na necesidade de pór unha solución a esta “insustentable situación” con medidas concretas como a instalación de aparcadoiros disuasorios, o reforzo do transporte urbano, tanto de taxis como de autobuses, e o despregamento de lanzadeiras, así como un maior número de efectivos da Policía Local e Protección Civil.

RESPOSTA DO CONCELLO DE VIGO

Pola súa banda, o alcalde de Vigo, Abel Caballero, a preguntas dos xornalistas durante a súa rolda de prensa diaria, asegurou que “a Policía Local está a encargarse de reordenar o tráfico”.

“Hoxe tamén imos pór en marcha o plan de mobilidade ás 17,30 horas, cortando o tráfico no centro e limitando o seu uso aos residentes, e recomendamos aos visitantes utilizar os aparcadoiros disuasorios de Samil, que onte funcionaron ben”, declarou.

O rexedor vigués tamén sinalou que, “se é preciso”, reforzarase o transporte público. “O noso consello ante o nivel de afluencia é que, para chegar ao centro, utilícese o transporte público”, sentenciou.

ÚLTIMAS

Stellantis volverá parar parte da súa produción durante dúas quendas por falta de pezas

A fábrica viguesa do grupo automobilístico Stellantis volverá parar parte da súa produción durante a quenda...

Arrinca o festival TAC! de arquitectura coa presentación dunha gran batea en pleno centro de Vigo

A céntrica Porta do Sol de Vigo acolleu este xoves a presentación do pavillón...

Detido por ofertar contratos de traballo falsos a estranxeiros

A Policía Nacional detivo esta semana a un home, dedicado á repartición de mercadorías...

Stellantis Vigo condenada por vulnerar a “liberdade sindical” da CUT

O Tribunal Supremo inadmitiu o recurso de casación presentado por Stellantis Vigo e declarou...