Un home, M.S.R.M. de Madrid e 30 anos de idade, foi detido en Vigo este pasado domingo pola suposta comisión dun delito de violencia de xénero tras empuxar á súa exparella.
Tal como informou a Policía Local, os feitos ocorreron sobre as 12,15 horas e foi un particular o que alertou de que na cale Anxo de Lema e Mariña estaba a producirse unha discusión de parella.
Unha vez no lugar, os axentes atopáronse cunha muller “moi axitada e nerviosa” que estaba a chorar. Detrás dela estaba un home, “alterado”, que asegurou aos actuantes que “non pasaba nada e que era unha simple discusión”.
A aludida, de 24 anos, indicou que eran parella desde facía oito meses e que xa non quería estar con el, polo que lle pediu que abandonase o domicilio. Nese momento, iniciouse unha discusión, comezando un forcejeo onde el a empuxou. Por iso, o home foi detido pola suposta comisión dun delito de violencia de xénero.