InicioEconomíaO PSdeG presume da cifra "marca" de 300 millóns para Vigo, cun...

O PSdeG presume da cifra “marca” de 300 millóns para Vigo, cun 2,25% máis

O PSdeG rexeitou as enmendas á totalidade da oposición.

PUBLICADO O

O pleno extraordinario do Concello de Vigo aprobou este venres os orzamentos da cidade para 2023, unhas contas “marca” que alcanzan os 292 millóns de euros, un 2,25% máis, e que ascenderán ata os 385 millóns grazas aos remanentes e as axudas procedentes dos fondos europeos.

Así, Vigo aproba os seus orzamentos a 191 días da celebración das eleccións municipais. Durante a celebración do pleno; que contou coa ausencia inicial do alcalde, Abel Caballero; o concelleiro da área de Orzamentos e facenda, Jaime Aneiros, cualificou as contas de “excepcionais”, posto que superan os 292 millóns de euros.

“É o orzamento máis alto dos últimos 15 anos de goberno de Abel Caballero que se fai con máis ingresos do Estado, sen ingresos adicionais da Xunta de Galicia, e por tanto con máis recursos propios”, sinalou.

“É unha mobilización dos recursos públicos sen precedentes, como nunca se fixo na historia de Vigo, para facer de Vigo unha cidade dinámica, atractiva e cun plan de acción para colocala no posto de referencia dentro das principais cidades españolas”, declarou o concelleiro da área de Orzamentos e facenda.

CRITICAS DA OPOSICIÓN

Pola súa banda, o portavoz municipal do Partido Popular (PP) de Vigo, Alfonso Marnotes, declarou que “os orzamentos teñen que ter uns obxectivos e os recursos públicos deben dirixirse a eses obxectivos, deben concentrarse neles, e agora, ás portas dunha recesión, os obxectivos non poden ser outros que o mantemento da actividade económica, a creación de emprego e a protección social”.

O portavoz do grupo municipal Marea de Vigo, Rubén Pérez, tamén cuestionou que “a base dos orzamentos presentouse sen ningún tipo de contacto social”. “Cando se presentan os orzamentos xa con todas as partidas consignadas nós non vimos aquí a perder o tempo”, sentenciou.

Por último, o concelleiro e candidato á Alcaldía do BNG, Xabier Pérez Igrexas, sinalou que “o proxecto de orzamentos que se trouxo a pleno non son os orzamentos xerais para a cidade de Vigo, son os orzamentos xerais para Abelandia, para ese xigantesco ámbito fóra da órbita terrestre. Por iso, trouxeron un proxecto de orzamentos que está fóra da realidade”.

Os orzamentos do Concello de Vigo para o ano 2023 foron aprobados por 20 votos a favor (do PSOE) e 7 votos en contra (PP, Marea de Vigo e BNG) despois de rexeitarse as emendas á totalidade presentadas polos partidos da oposición.

ÚLTIMAS

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...