A factoría viguesa do grupo automobilístico Stellantis volveu suspender toda a súa actividade ata o vindeiro mércores pola falta de certas pezas necesarias para os seus vehículos, como xa ocorreu en repetidas ocasións nos últimos meses.
“Por causa de forza maior, a consecuencia da falta de aprovisionamentos, suspéndese a actividade en ambos os Sistemas desde o xoves 27 de outubro, ás 14,00 horas”, informou Stellantis Vigo aos seus empregados.
A previsión da compañía é que todos os equipos se reincorporen ao traballo a partir do próximo mércores, 2 de novembro, ás 06,00 horas.
