Unha persoa foi rescatada do mar en Vilaboa tras envorcar a embarcación na que navegaba este domingo. Segundo informa o 112, foi un particular o que chamou ao 112, ao redor das 16,00 horas, para informar de que unha embarcación cun único tripulante envorcara na ría de Vigo.

O servizo deu aviso a Salvamento Marítimo, que comezou a planificar un posible rescate. O helicóptero Pesca-1 do Servizo de Gardacostas de Galicia, que estaba preparado para participar no operativo, non foi mobilizado finalmente, xa que unha embarcación recolleu á persoa accidentada e trasladouna, xunto co barco envorcado, ao porto de Vilaboa.

Tamén participaron a Garda Civil e os Voluntarios de Protección Civil de Soutomaior.