O comité de empresa de Vitrasa, a compañía concesionarios do transporte urbano en Vigo, decidiu pospor os paros convocados inicialmente para o 21 de outubro ata o próximo 2 de novembro, despois de que a compañía denunciase un posible defecto de forma.
Tal como indicou o comité nun comunicado, “a pesar de notificalos como en anteriores ocasións”, neste caso a firma informou dun posible defecto de forma e da posibilidade de recorrer as mobilizacións, podendo chegar a detelas e mesmo supor o pago dunha multa por parte do comité.
Por iso, os representantes dos traballadores decidiron pospor os paros co obxectivo desta situación non se produza. “Este proceder da empresa demostra que, lonxe de tentar buscar unha solución ao conflito que evitaría esta situación, emprega calquera artimaña para evitar o noso dereito constitucional á folga“, lamentou o comité.
