InicioSociedadeA UVigo supera os 18.500 estudantes cubrindo case o 100% das...

A UVigo supera os 18.500 estudantes cubrindo case o 100% das prazas de novo ingreso

Do total de alumnado 9.904 estudan en Vigo, mentres que unhas 4.768 persoas fano en Ourense e 3.905, en Pontevedra. A esta cifra cabe engadir, segundo recolle o Diario Oficial da Universidade de Vigo (DUVI), o alumnado do Programa de maiores, que alcanza as 432 persoas.

PUBLICADO O

O 99% das prazas de novo ingreso en titulacións de grao que a Universidade de Vigo (UVigo) ofertou para o curso 2022/2023 foron cubertas, segundo anunciou este mércores o reitor, Manuel Reigosa, en rolda de prensa.

Desta maneira, o centro académico matriculou 3.667 novos estudantes de grao, dos cales 1.934 son mulleres e 1.733, homes. En concreto, o campus de Ourense alcanzou unha taxa de ocupación do 101%, con 1.021 matriculados, mentres que Vigo e Pontevedra quedaron co 98% das prazas cubertas, con 1.938 e 708 matrículas de novo ingreso, respectivamente. En comparación co curso pasado, a taxa de ocupación incrementouse nun punto porcentual, pasando do 98% ao 99%.

En canto ao dato global de matrículas, que inclúe todos os cursos de graos, máster e programas de doutoramento (cuxa matrícula deste ano aínda non está pechada), neste curso o número de alumnos total sitúase nas 18.577 persoas.

Deles, 9.904 estudan en Vigo, mentres que unhas 4.768 persoas fano en Ourense e 3.905, en Pontevedra. A esta cifra cabe engadir, segundo recolle o Diario Oficial da Universidade de Vigo (DUVI), o alumnado do Programa de maiores, que alcanza as 432 persoas.

Reigosa e a vicerreitora de Estudantes e Empregabilidade, Natalia Caparrini, foron os encargados de presentar estes datos, mostrando a súa “satisfacción” e asegurando que supoñen que a universidade vive unha “situación favorable nunha contorna desfavorable”.

“Os datos indícannos que as cousas se fan ben e temos estes recoñecementos”, reivindicou o reitor, quen non se mostrou preocupado pola baixa taxa de ocupación de certos graos como o de Enxeñaría dos Recursos Mineiros e Enerxéticos ou Filoloxía aplicada en galego e español.

“Creo que agora non hai ningunha titulación en risco de desaparecer”, engadiu, mostrando a súa estrañeza porque algunhas das carreiras menos demandadas teñen “pleno emprego”.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...