InicioEconomíaO sindicato SIT-FSI amplía a súa maioría no comité de Stellantis Vigo...

O sindicato SIT-FSI amplía a súa maioría no comité de Stellantis Vigo e a CIG queda sen representación

Ademais dos 21 representantes de SIT-FSI, o novo comité contará con catro delegados de UGT, tres de CUT e tres de CC.OO.

PUBLICADO O

Os traballadores de Stellantis Vigo elixiron o seu novo comité de empresa nas eleccións celebradas este xoves e venres, nas que o coñecido como “sindicato amarelo”, o Sindicato Independente de Traballadores (SIT-FSI), ampliou a súa maioría, alcanzando 21 representantes e o 64% dos votos.

Isto supón mellorar os seus resultados con respecto ao anterior comité, onde tiña 20 delegados de 33 integrantes. Nesta ocasión, elixíronse 31 representantes, xa que o persoal diminuíu en algo máis de 300 empregados.

Durante dúas xornadas, os traballadores de Stellantis elixiron os membros do comtié, dos cales 27 foron para o Colexio de Especialistas e non Cualificados e catro para o de técnicos e administrativos.

Ademais dos 21 representantes de SIT-FSI, o novo comité contará con catro delegados de UGT –14,36% dos votos–, tres de CUT –8,72 por cento– e tres de CC.OO. –8,45 por cento dos votos–. A CIG quedou sen ningún representante.

Tras as últimas eleccións, celebradas en outubro de 2018, o comité de empresa quedou formado por 20 delegados do Sindicato Independente de Traballadores (SIT), 4 delegados de UXT, 4 delegados da CUT, 3 delegados de CC.OO. e 2 delegados da CIG.

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

Convocada para este domingo en Vigo unha concentración en repulsa polo asasinato machista de Oroso

O Feminismo Unitario de Vigo convocou para este domingo unha concentración en repulsa do...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...