InicioSociedadePiden 18 meses de prisión para un acusado de matar a golpes...

Piden 18 meses de prisión para un acusado de matar a golpes a dúas cadelas nunha vivenda de Vigo

Tamén reclama que indemnice á persoa propietaria das cadelas polos gastos veterinarios nos que incorreu, polo importe das necropsias e por danos morais, nuns 1.227 euros.

PUBLICADO O

A Fiscalía pide a pena de 18 meses de prisión para un acusado de matar a golpes a dúas cadelas, propiedade dunha persoa coa que compartía piso, como presunto autor dun delito de malos tratos animais, e que será xulgado este xoves na sala do Penal 2 de Vigo.

Segundo o escrito de acusación pública, os feitos ocorreron en febreiro deste ano, cando o acusado compartía piso coa persoa propietaria das cadelas. Nunha ocasión na que estaba só cos animais na vivenda, inflixiu un corte no lombo a unha das cadelas, que requiriu puntos de sutura e tratamento veterinario.

Ao día seguinte, estando tamén a soas coas cadelas, propinou golpes a ambas, causándolles a morte, nun dos casos por edema pulmonar provocado por traumatismo na parte fronto-medial do tórax; e no outro, por hemorraxia interna causada por neumotórax, producido polas lesións nos pulmóns debidas a traumatismo torácico.

A Fiscalía considérao autor dun delito continuado de malos tratos animais, e pide que sexa condenado a 18 meses de prisión, e a 4 anos de inhabilitación para a tenencia de animais ou para exercer calquera oficio ou actividade que teña que ver con animais. Tamén reclama que indemnice á persoa propietaria das cadelas polos gastos veterinarios nos que incorreu, polo importe das necropsias e por danos morais, nuns 1.227 euros.

DISPARO A UN GATO RUEIRO

Ademais, o xulgado do Penal 3 de Vigo acolle este mércores outro xuízo contra un acusado de malos tratos animais, nese caso por causarlle a morte a un gato dunha ‘colonia’ rueira cunha escopeta de perdigóns.

Os feitos ocorreron en outubro do ano pasado cando o acusado disparou a un gato rueiro que entrara na súa leira na zona da Rabadeira, en Vigo, cunha escopeta de perdigones. O animal morreu como consecuencia da hemorraxia causada polo disparo. Para este procesado, a Fiscalía pide un ano de cárcere, 2 anos de inhabilitación, e que indemnice ao Concello de Vigo polos gastos da necropsia do felino.

ÚLTIMAS

Detido un home pola súa suposta vinculación co crime da maleta

A Policía Nacional detivo na mañá deste venres a un home pola súa presunta vinculación co...

Vigo rexeita o “caciquismo” do PP na deputación ao “censurar” a relatoras por “causas políticas”

O pleno de Vigo aprobou este venres, cos votos do PSOE e do BNG, unha...

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...