InicioSociedadeArmadores de Vigo mostran a súa preocupación ante a caída do consumo...

Armadores de Vigo mostran a súa preocupación ante a caída do consumo de peixe logo da pandemia

Solicitou este mércores ao presidente do Goberno, Pedro Sánchez, que se reduza ao 4% o imposto sobre o valor engadido (IVE) polos beneficios que supón para a saúde o consumo deste alimento.

PUBLICADO O

A Cooperativa de Armadores de Pesca do Porto de Vigo (ARVI), en representación do sector pesqueiro, solicitou este mércores ao presidente do Goberno, Pedro Sánchez, que se reduza ao 4% o imposto sobre o valor engadido (IVE) do peixe polos beneficios que supón para a saúde o consumo deste alimento.

Nun comunicado, ARVI explicou que trasladou esta petición ao líder do Executivo central despois de expola en varias ocasións aos ministerios correspondentes, co obxectivo de que se estableza un IVE superreducido para o peixe, tal como se fico no caso doutros alimentos recoñecidos como “básicos”.

“Tras a pandemia, quedou de manifesto que o aprovisionamento de produtos de orixe mariña á poboación é un alicerce fundamental da cadea de subministración. Por esta razón, o sector pesqueiro e o complexo mar-industria comprometeuse a asegurar aos consumidores o abastecemento dun produto que contribúe en gran medida a garantir a saúde dos cidadáns”, reivindicou ARVI.

Neste sentido, puxo en valor que os produtos mariños son os alimentos que máis reforzan a saúde da poboación. “A maior consumo per cápita dos produtos pesqueiros, menos custos sanitarios futuros e maior consolidación da cadea mar-industria, da que a frota pesqueira integrada en ARVI constitúe o primeiro elo”, engadiu a asociación.

Neste sentido, os armadores vigueses mostraron a súa preocupación ante a caída do consumo de produtos pesqueiros despois da pandemia e ante a guerra en Ucraína, o cal está a afectar aos seus prezos de primeira venda e á rendibilidade das empresas pesqueiras.

ÚLTIMAS

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...

Policías nacionais denuncian falta de efectivos no Nadal e piden unha vía de emerxencias libre de tráfico

Os sindicatos da Policía Nacional CEP e Jupol denunciaron este xoves falta de axentes na cidade de Vigo para...

Excarceran unha condutora tras saír da vía en Mos

A condutora dun turismo resultou ferida e tivo que ser excarcerada tras saírse da...