O ciclo nacional de concertos do Vibra Mahou Fest engade á cidade de Vigo á súa programación, con actuacións os próximos 28 e 29 de outubro e a presenza de artistas como Delaporte, Depedro ou Annie B Sweet.
Así, o 28 de outubro na Sala Molotov terá lugar o concerto de Delaporte, un proxecto ecléctico e enérxico no que os seus impulsores, Sergio e Sandra, porán sobre o escenario galego o seu último traballo e repasarán os éxitos da súa carreira.
Xa o 29 de outubro, no Auditorio Mar de Vigo, haberá dúas sesións, ao mediodía e pola noite. Ese día subiranse ao escenario artistas como Depedro, Los Estanques e Annie B Sweet, e Mon Band, na sesión de mediodía; e Sienna, Nunatak, Shinova e Arde Bogotá pola noite.
Ademais destas actuacións, haberá sesións de DJ e ‘zona gastro’, con foodtrucks e outras propostas “para todos os padais”.
