InicioPolíticaCaballero pide fondos para subvencionar o bus urbano: "A Xunta desenténdese de...

Caballero pide fondos para subvencionar o bus urbano: “A Xunta desenténdese de Vigo”

"O colmo da desvergoña é escoitar á delegada da Xunta dicir que quere que Vigo pague o transporte da Xunta", denuncia o alcalde.

PUBLICADO O

O alcalde de Vigo, Abel Caballero, volveu reclamar este venres á Xunta de Galicia que dea fondos para subvencionar o billete de bus urbano bonificado, de maneira que, achegando un 30 % do prezo (o mesmo porcentaxe que achega o Goberno central), o usuarios ordinarios do cartón PassVigo pagarían só 35 céntimos por viaxe.

Así o volveu a manifestar nunhas declaracións remitidas aos medios de comunicación, na que aseverou que o goberno galego “non achega nada” e “se desentende de Vigo”. “Voulle enviar unha carta ao presidente Rueda dicindo que está obrigado a rebaixar o billete de bus urbano (…) por que a Xunta non fai o mesmo que o Goberno de España?”, proclamou.

Ademais, e con respecto ao anuncio de Rueda sobre a rebaixa do 50 % nos prezos dos buses interurbanos e o transporte de ría, Abel Caballero matizou que o 30 % corresponde á rebaixa que financiará o Goberno. “A Xunta anunciou unha redución do 50 % pero esqueceuse de dicir que un 30 % o paga Pedro Sánchez. A Xunta só achega (á rebaixa) o 20 %”, aclarou.

Por outra banda, o rexedor respondeu ás críticas da Xunta (pola negativa do goberno local a integrarse no sistema metropolitano de transporte): “O colmo da desvergoña é escoitar á delegada da Xunta dicir que quere que Vigo pague o transporte da Xunta”.

Nese sentido, Abel Caballero volveu incidir en que o goberno autonómico pretende “que os de fóra, cando collan un bus urbano, non paguen nada, e que paguen os de Vigo”, é dicir, “que o Concello lle poña gratis aos de fóra o Vitrasa, e que os de Vigo paguen”. “É inconcibible. Non dou crédito”, afirmou, e engadiu: “Iso non vai pasar mentres eu sexa alcalde. O que queira facer a Xunta, que o pague a Xunta, nós non llo pagamos”.

ÚLTIMAS

Rescatado o corpo sen vida dun home despois dun accidente co seu kaiak en Fornelos de Montes

Os Bombeiros do Porriño rescataron o corpo sen vida dun home tras sufrir un...

Máis de mil persoas de loito en Moaña para reclamar o regreso do PAC ao concello

Máis dun milleiro de persoas volveron a saír á rúa vestidas de loito no...

O PP vigués acusa ao Goberno local de non tomar nota por repetirse “os atascos monumentais” do pasado Nadal

O concelleiro do PP de Vigo Fernando G. Abeijón reprochou ao Goberno local que...

Arde un alboio en Gondomar sen que houbesen danos persoais

Un incendio calcinou por completo un alboio do lugar de Paraboa, na parroquia de...