As reservas de entradas para o concerto de Leiva en Vigo –que terá lugar o 4 de agosto– habilitaranse o martes 26 de xullo.
Segundo explicou o alcalde da cidade olívica, Abel Caballero, habilitaranse 3.000 reservas en liña e 2.000 presenciais –no despacho de billetes do Concello–.
Concretamente, ás 10,00 horas habilitaranse 1.500 en liña e outras 1.500 presenciais, e xa ás 17,00 horas, as restantes. Terán un prezo de 10 euros.
Leiva actuará no auditorio de Castrelos o vindeiro xoves 4 de agosto, un dos “concertazos” –como o propio alcalde definiu– que están previstos que se celebren en Vigo durante este verán.
