InicioSucesosPiden 2 anos de cárcere para un vigués que acoitelou a súa...

Piden 2 anos de cárcere para un vigués que acoitelou a súa filla en lexítima defensa

Os feitos ocorreron no 2021, cando a filla pediu diñeiro ao pai para sufragar a compra de sustancias estupefacientes.

PUBLICADO O

A Fiscalía pide dous anos de cárcere para un veciño de Vigo septuaxenario, ao que acusa dun delito de tentativa de homicidio por acoitelar á súa filla en lexítima defensa, e que está citado o martes para unha vista de conformidade que se celebrará na sección quinta da Audiencia Provincial de Pontevedra, con sede na cidade olívica.

Segundo se recolle no escrito de acusación pública, os feitos ocorreron o 8 de novembro de 2021, cando a filla pediu diñeiro ao pai para sufragar a compra de sustancias estupefacientes. Ante a negativa do acusado, a muller comezou a increpalo, a empuxalo e a romper obxectos da vivenda familiar mentres gritaba.

Nun momento determinado, o home fíxose cun coitelo de 40 centímetros de folla, e cravoullo á súa filla no costado esquerdo, causándolle feridas graves. De feito, segundo reflicte a Fiscalía, se non recibise atención médica as feridas poderían evolucionar ata causarlle a morte.

Por estes feitos, considera ao procesado autor dun delito de tentativa de homicidio. No entanto, recolle no seu escrito que o home actuou para defenderse da súa filla, coa que mantiña unha convivencia moi conflitiva debido ás adiccións dela, aínda que o fixo de forma desproporcionada ao usar un coitelo.

LEXÍTIMA DEFENSA

O ministerio público pide que se lle aplique a eximente incompleta de lexítima defensa, así como a circunstancia agravante de parentesco e a atenuante de confesión, xa que o home recoñeceu o que fixera en canto foi detido pola Policía.

Así, solicita unha condena de 2 anos de cárcere e que se lle prohiba comunicarse ou achegarse a menos de 300 metros da súa filla. Con todo, a Fiscalía informa a favor da suspensión da pena de cárcere, de modo que o home non ingresará en prisión.

ÚLTIMAS

Condenados a 5 e 4 anos de cárcere os dous acusados de dar unha malleira a dous mozos na rúa Hernán Cortés de Vigo

A sección quinta da Audiencia Provincial de Pontevedra, con sede en Vigo, condenou aos...

Deteñen en Vigo un home por agredir ao seu fillo de 13 anos cun cinto e unha botella de plástico

Un home, P.A.V.S. de 43 anos de idade, foi detido na tarde deste pasado...

Os traballadores de Vitrasa protestan durante o acto da Constitución e Caballero sae escoltado por Policía Nacional

Os traballadores de Vitrasa, concesionaria do bus urbano de Vigo, trasladaron este martes as...

Máis de mil vigueses xa teñen representación no caso do Cártel dos Coches con 40.000 afectados en Galicia

A oficina de Vigo do despacho BGI LAW representa xa a máis de 1.000...