InicioSociedadePiden 14 anos de cárcere para dous amigos por abuso sexual e...

Piden 14 anos de cárcere para dous amigos por abuso sexual e vexacións a unha moza inconsciente e por gravalo cun móbil

Os acusados compartiron o vídeo en Instagram.

PUBLICADO O

A Fiscalía pide 14 anos e 7 meses de cárcere para cada un dos dous acusados de abusar sexualmente dunha moza en Vigo, que estaba inconsciente, e á que humillaron e vexaron mentres gravaban todo cun teléfono móbil, e que serán xulgados este luns na sección quinta da Audiencia Provincial de Pontevedra, con sede na cidade olívica.

Segundo o escrito de acusación pública, os feitos ocorreron na madrugada do 11 de agosto de 2020, cando estes dous amigos coincidiron coa vítima, á que coñecían, nun local de copas. Tras consumir varias bebidas, os tres marcharon nun taxi ao piso dun dos acusados, momento en que a moza perdeu a consciencia.

Os acusados aproveitaron que a moza non se podía defender e tombárona nunha cama, quitáronlle o pantalón e a roupa interior, e dedicáronse a tocala e a facer comentarios obscenos e de mal gusto, mentres se turnaban para gravalo todo cun teléfono móbil.

Con ánimo de humillala e menoscabar a súa dignidade, golpeáronlle as nádegas, losqueárona, cuspíronlle, insultárona e metéronlle o pene na boca, mentres a vítima estaba inconsciente.

A gravación destas vexacións foi gardada no teléfono móbil dun dos acusados, e durante un breve período de tempo difundiuse entre os seus coñecidos e coñecidos da propia vítima, a través da rede social Instagram.

Como consecuencia destes feitos, a moza sufriu un cadro clínico ansioso aínda que, segundo a Fiscalía, non presenta secuelas. Con todo, e en base a informes forenses, o ministerio público advertiu de que sería “inconveniente” que a prexudicada confrontase cos seus agresores no xuízo, porque iso podería supor o seu “revictimización”.

DELITOS E PENAS

A Fiscalía considera os dous acusados autores dun delito continuado de abuso sexual con acceso carnal por vía bucal, un delito contra a integridade moral e un delito contra a intimidade.

Así, pide para cada un deles penas que suman 14 anos e 7 meses de cárcere, a prohibición de achegarse ou comunicarse coa vítima durante 14 anos e a medida de liberdade vixiada durante 7 anos. Tamén reclama que indemnicen á moza en 25.470 euros polos días de prexuízo persoal e en concepto de danos morais.

ÚLTIMAS

A CIG chama ás mulleres da área de Vigo a “tomar as rúas” ao berro de ‘Stop precariedade. Traballo digno e igualdade’

A CIG presentou este luns en Vigo as mobilizacións convocadas en diferentes localidades da comarca con...

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...