InicioCulturaIggy Pop, Two Door Cinema Club ou Mando Diao visitarán Vigo no...

Iggy Pop, Two Door Cinema Club ou Mando Diao visitarán Vigo no Festival Latitudes

Súmanse a outras citas xa pechadas como as de C. Tangana o 23 de agosto ou Muse o 8 de setembro.

PUBLICADO O

O cantante estadounidense Iggy Pop, os irlandeses Two Door Cinema Club, o suecos Mando Diao e os británicos The Vaccines son os artistas que encabezan a primeira edición en Vigo do Festival Latitudes, que se celebrará os próximos 19 e 20 de agosto co patrocinio do Xacobeo 21-22.

Así o anunciou este xoves a delegada territorial da Xunta en Vigo, Marta Fernández-Tapias, quen presentou o evento musical acompañada, entre outros, polo presidente da Autoridade Portuaria, Jesús Vázquez Almuiña, xa que o festival se levará a cabo no peirao de Transatlánticos.

“A Xunta traerá a Vigo este verán, sen ningún lugar a dúbidas, a mellor oferta musical de toda Galicia”, reivindicou a representante autonómica, quen destacou a calidade do cartel do Festival Latitudes e lembrou outras citas xa pechadas como as de C. Tangana o 23 de agosto ou Muse o 8 de setembro.

O Festival Latitudes, que celebrou a súa última edición en 2016 en Santiago de Compostela, chega agora ao porto de Vigo con dous días cheos de actuacións musicais. Ademais da cabeza de cártel, outros grupos, algúns vigueses, tamén estarán como Aphonnic, Furious Monkey House ou Zalomon Grass.

Os abonos sairán á venda este venres, día 1 de xullo, en ‘ataquilla.com’ ás 12,00 horas con catro tramos de prezos diferentes, desde os 35 aos 50 euros.

ÚLTIMAS

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...