InicioSociedadeDetido un sesaxenario en Vigo por agredir a súa parella, da que...

Detido un sesaxenario en Vigo por agredir a súa parella, da que tiña orde de afastamento

Sorprenderon ao sospeitoso escondido tras a porta dun dormitorio.

PUBLICADO O

Axentes da Policía Local de Vigo detiveron a un veciño da cidade, L.A.F., de 68 anos de idade e nado en Ourense, como presunto autor dun delito de violencia de xénero e outro de quebrantamento de medida de afastamento.

Segundo informaron fontes policiais, os feitos ocorreron na noite do sábado, cando o 092 recibiu unha chamada por un posible episodio de violencia de xénero en Freixeiro. A persoa alertante sinalaba que o suposto agresor xa fora detido anteriormente por violencia de xénero.

Cando os axentes de presentaron no domicilio, abriulles a porta a vítima, quen recoñeceu que tivera unha discusión coa súa parella pero que este se ausentou. Así mesmo, insistiu ante os policías en que non fora agredida.

Ante as sospeitas de que o home puidese estar no interior, coartando as respostas da muller, os axentes pedíronlle permiso para acceder á vivenda e realizaron unha comprobación de seguridade.

Así, sorprenderon ao sospeitoso escondido tras a porta dun dormitorio e, ao identificalo e comprobar os seus datos, constataron que sobre el pasaba unha orde de afastamento e prohibición de comunicarse coa súa parella, polo que foi detido.

ÚLTIMAS

Abel Caballero celebrará un pleno extraordinario contra o “veto por ideoloxía” a varias relatoras nun programa da Deputación

O alcalde de Vigo, Abel Caballero, anunciou este venres que a próxima semana convocará un...

A Xunta Electoral arquiva unha denuncia do PP por declaracións de Hereu na súa visita a Redondela e Vigo

A Xunta Electoral de Galicia decretou o arquivo dunha denuncia formulada polo PPdeG en...

O Porto de Vigo pecha xaneiro como líder nacional en movemento de vehículos, con 55.801 unidades

O Porto de Vigo pechou xaneiro deste ano arrebatando o liderado en movemento de vehículos á...