A Policía Local de Vigo detivo na cidade a un home, I.G.D. de 39 anos de idade, como presunto autor dun delito de violencia de xénero tras agredir á súa parella, de 25 anos, na rúa García Barbón.
Foron os veciños os que alertaron aos axentes do incidente, tras escoitar unha forte discusión de parella. Unha vez no lugar, testemuñas presenciais facilitaron a descrición do home, que segundo contaron propinara unha puñada á muller, que estaba nun domicilio próximo.
Alí, tal como informou a Policía Local, os actuantes entrevistáronse coa vítima, que presentaba un negrón de gran tamaño na parte inferior do ollo esquerdo, indicando que o home a proxectou contra un armario, que tiña a porta totalmente desencaixada.
Por ese motivo, o home foi detido como presunto autor dun delito de violencia de xénero.
