InicioSociedadeO custo das obras do novo centro de saúde Olimpia Valencia de...

O custo das obras do novo centro de saúde Olimpia Valencia de Vigo elévase un 16%

A Xunta aumenta o seu orzamento ata os 14,8 millóns de euros.

PUBLICADO O

O Consello da Xunta deu este xoves o visto e prace á licitación das obras do novo centro integral de saúde Olimpia Valencia de Vigo, que eleva o seu orzamento ata os 14,8 millóns de euros.

Tal como indicou o Goberno galego, proximamente convocarase o concurso público de contratación das obras das novas instalacións sanitarias cun 16% máis de orzamento que o calculado inicialmente.

Este aumento é resultado da actualización do proxecto aos prezos do mercado tras os últimos incrementos de custos rexistrados nos materiais necesarios para a execución da obra, despois de que o primeiro concurso se declarase deserto.

As obras consisten en executar o novo centro de saúde, que ocupará o espazo actual do edificio da Audiencia Provincial, na rúa Lalín. O obxectivo é iniciar as obras no primeiro trimestre de 2023, unha vez que se conclúa o traslado dos servizos e do persoal xudicial á nova Cidade da Xustiza, no antigo Hospital Xeral.

Esta nova infraestrutura substituirá o centro de saúde de López Mora e contará con case 7.620 metros cadrados construídos, que albergarán servizo de urxencias, área asistencia de 20 consultas de medicina xeral, 20 de enfermaría, 8 de pediatría, 8 de enfermaría pediátrica, 2 de odontoloxía e áreas de muller, de rehabilitación, de telemedicina, de administración ou de base do 061.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...