Interceptado en Vigo un home ao que lle constaba unha orde de detención emitida por un xulgado da cidade

Policía Local de Vigo

A Policía Local interceptou na mañá deste martes na rúa Arenal a C.A.V.V., de Colombia e 41 anos de idade, sobre o que constaba unha orde de detención emitida por un xulgado da cidade.

Foi unha patrulla que realizaba labores de control e vixilancia en materia de Seguridade Cidadá a que procedeu á identificación do home. Tras realizar o cotexo e a verificación dos seus datos pescudaron que constaba sobre el unha orde de detención e presentación emitida polo Xulgado do Penal número 1 de Vigo.

Por iso, procedeuse á súa inmediata detención, en cumprimento do mandato xudicial, pasando a disposición do órgano competente.