O aeroporto de Vigo estivo pechado durante unha hora na tarde deste venres tras rexistrarse o impacto dun raio nos aparellos do servizo meteorolóxico de Peinador, que dá información aos avións que van aterrar ou a despegar do mesmo.

Segundo confirmaron fontes de Aena, o impacto dun raio nos equipos de meteoroloxía do aeródromo vigués provocou o peche da terminal durante unha hora.

Desta maneira, producíronse algúns atrasos nos voos que estaban planeados durante ese período de tempo. Con todo, o aeroporto xa volve estar operativo e funciona con normalidade.