O grupo arxentino Les Luthiers, co seu elenco 2019, presentará en Vigo o seu novo espectáculo, ‘Gran Reserva’, os días 21, 22 e 23 de outubro, no Auditorio Mar de Vigo, e as entradas xa están á venda na páxina https://www.teuticket.com/es/ver/les-luthiers.
Nesta xira, inédita en España, a formación ofrece unha antoloxía con algúns dos grandes éxitos dos seus 55 anos de traxectoria, como ‘La Balada del 7º Regimiento’, ‘San Ictícola de los’, ‘Entreteniciencia Familiar’, ‘La Hora de la Nostalgia’, ‘Qiuen conociese a María amaría a María’, o bolero ‘Perdonala’, ‘Música y Costumbres de la Isla de Makanoa’ e ‘Rhapsody in Balls’, entre outros.
Les Luthiers é un emblemático grupo de humoristas-músicos-actores que ofrece espectáculos con estilo propio, con música interpretada con instrumentos creados por eles mesmos, e nos que se mesturan diversos estilos cun humor intelixente e desternillante.
