InicioSociedadePeritos confirman ante a xuíza a manipulación do disco duro de Déborah...

Peritos confirman ante a xuíza a manipulación do disco duro de Déborah Fernández

A familia da moza advertiu de que estes feitos "gravísimos" deben ser investigados, e os avogados piden que se solicite información sobre a cadea de custodia en dependencias policiais.

PUBLICADO O

- Advertisement -

Os peritos da empresa Lazarus Technology, que declararon este xoves por videoconferencia ante a xuíza de instrución 2 de Tui, ratificáronse no seu informe e confirmaron que o disco duro do computador da moza viguesa Déborah Fernández-Cervera (cuxo cadáver apareceu en maio de 2002 nunha cuneta do Rosal, tras varios días desaparecida) foi manipulado.

Na súa comparecencia, o equipo experto reiterou que o disco duro foi manipulado por alguén con coñecementos avanzados e que se borraron arquivos de internet, correos electrónicos e mensaxes da aplicación Messenger, ademais de manipularse gran cantidade doutro tipo de arquivos. Así mesmo, ratificaron “sen ningunha dúbida” que dita manipulación se produciu nalgún momento despois de que o dispositivo foi recollido pola Policía, no ano 2006.

A familia da moza advertiu de que estes feitos “gravísimos” deben ser investigados, e ten esperanza de que a xuíza de instrución acorde a apertura dunha peza separada para determinar se se cometeu algún delito con respecto á custodia e eventual manipulación dese dispositivo.

De feito, os seus letrados xa solicitaron que se librase oficio á Dirección Xeral da Policía para que certifique a cadea de custodia do disco duro desde o momento en que foi recollido e as persoas que tiveron acceso a el; igualmente, pediron que se solicite a mesma información da Garda Civil, que tivo nas súas dependencias o dispositivo, e do propio xulgado. Tamén pediron que se remita o informe á Fiscalía de Pontevedra.

Mentres, o procedemento continúa no xulgado, cun único investigado, o exmozo de Déborah, Pablo P.S-L., e as partes atópanse agora á espera de que chegue unha proba pericial solicitada polos avogados do imputado, en relación á análise dunha fotografía que está nun DVD onde se envorcou o contido do computador da moza.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...