InicioVigo e contornaVigoCaballero anima a acudir a unha manifestación contra a "privatización" da sanidade

Caballero anima a acudir a unha manifestación contra a “privatización” da sanidade

O rexedor criticou o modelo "privatizador" escollido pola Xunta para o Álvaro Cunqueiro.

PUBLICADO O

- Advertisement -

O alcalde de Vigo, Abel Caballero, animou este mércores aos cidadáns da cidade a que asistan á manifestación convocada para este xoves polas Plataformas en defensa da Sanidade Pública da área de Vigo co obxectivo de esixir un servizo “digno”. Na súa rolda de prensa diaria, Caballero asegurou que el acudirá á devandita concentración para defender a sanidade pública da cidade de Vigo que, ao seu xuízo, é “deficiente”, pese ao “enorme esforzo e a calidade” dos profesionais.

Por iso, criticou o modelo de “privatización” do hospital Álvaro Cunqueiro e a situación que viven os centros de saúde da cidade, cuns profesionais que teñen que soportar unha presión asistencial “inasumible”. Así, lamentou que, ao seu xuízo, a Xunta debería facer na cidade 5 centros de saúde novos e pola contra pecharon un e construíu “medio”, referíndose ao de Bouzas, que conta cun médico.

As Plataformas en defensa da Sanidade Pública da área Sanitaria de Vigo convocou unha manifestación este xoves, que sairá ás 20,00 horas da PAC situado na rúa Pizarro para defender un servizo “digno” con profesionais “suficientes” e sen “insoportables listas de espera”.

ÚLTIMAS

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...

A conexión mediante o Tren Celta a entre Vigo e O Porto volverá a funcionar a partir de decembro

O Eixo Atlántico informou de que o Tren Celta, que une as cidades de...