InicioVigo e contornaVigoVigo suma 11 bandeiras azuis, que descenden en Cangas

Vigo suma 11 bandeiras azuis, que descenden en Cangas

Galicia é a terceira CCAA por galardóns.

PUBLICADO O

Galicia repite este ano como a terceira comunidade con máis bandeiras azuis nas súas praias, tras Valencia e Andalucía, ao recibir este distintivo un total de 112 areais galegos, distribuídos en 34 municipios. De todas as praias galardoadas en 2022 pola Asociación de educación ambiental e do consumidor (Adeac) hai tres que lucirán a bandeira azul por primeira vez: Porto Suevos, en Arteixo; Banda do Río, en Bueu; e Santa Baia, no municipio pontevedrés de Vigo.

Fontela Valea, en Barreiros, volve sumarse á lista de praias con esta distinción e substitúe a outro areal do municipio lucense, Cantil-Remior. Doutra banda, o municipio de Cangas é o que perde maior número de insignias, que xa non ondearán en Melide e Rodeira. Nesta última, a Adeac retirou o pasado verán a bandeira azul tras as obras que supuñan a explanación de 2.500 metros cadrados de areal para habilitar pistas deportivas.

Ademais das praias, 11 portos deportivos recibirán unha bandeira azul, mentres que 14 instalacións dedicadas á educación ambiental e á atención aos visitantes terán consideración de centros azuis. Tamén se converterán 29 rutas en carreiros azuis. Este balance de 166 distintivos en Galicia supón un crecemento de 11 respecto de 2021. En canto ás praias, o número aumenta nun fronte aos 111 do ano pasado. De igual forma, Galicia engade nove carreiros azuis e un novo centro azul en Camariñas. Pola súa banda, o número de portos mantén o mesmo dato.

SANXENXO REPITE COMO MUNICIPIO MÁIS GALARDOADO

Nesta edición de bandeiras azuis, Sanxenxo repite como o municipio con máis areais galardoados en toda España, un total de 17. Ademais, o municipio pontevedrés suma tres distincións para os seus portos deportivos. Na provincia de Pontevedra tamén destacan Vigo, que suma 11 praias; Baiona, con seis areais e un porto galardoado; e Cangas, Marín e Bueu, con cinco praias cada municipio, por un porto no primeiro destes concellos e dous centros azuis en cada un dos restantes.

Así mesmo, na provincia da Coruña a localidade de Arteixo volve concentrar o maior número de bandeiras azuis, con oito. Séguenlle as cidades da Coruña (cinco areais e un porto) e Oleiros (cinco praias e dous centros azuis). Por último, Foz continúa á cabeza en Lugo con cinco praias galardoadas. Completan o podio Barreiros, con tres areais, e Burela, que suma tres praias e dous centros azuis.

Please wait while you are redirected...or Click Here if you do not want to wait.

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...

Os sindicatos critican aos bancos por “vetar” as operacións de compra de Maderas Iglesias

Os sindicatos CIG, UGT e Comisións Obreiras (CC.OO.) criticaron este venres que o conxunto...