O cantautor Joan Manuel Serrat actuará en Vigo o próximo 10 de xullo, no auditorio municipal de Castrelos, onde recalará no marco da súa xira de despedida ‘El vicio de cantar. 1965-2022’, segundo avanzou en rolda de prensa o alcalde, Abel Caballero.
Con esta actuación dun artista “inigualable”, son xa 9 os concertos confirmados para a programación de verán no emblemático auditorio vigués ao aire libre.
Así, ademais de Serrat, estarán en Vigo Sebastian Yatra (13 de xullo), Love of Lesbian (29 de xullo), Tanxugueiras (30 de xullo), Leiva (4 de agosto), Sting (6 de agosto), Lola Índigo (8 de agosto), Hombres G (14 de agosto) e Raphael (16 de agosto).
