O presidente da Xunta, Alberto Núñez Feijóo, rexeitou este xoves “perder o tempo” en responder as acusacións do alcalde de Vigo, Abel Caballero, e defendeu que se dedicou á cidade, coa que cumpriu “”.
Así respondeu, na rolda de prensa posterior ao Consello da Xunta celebrado na cidade, a preguntas dos medios sobre as críticas do rexedor vigués e sobre a posibilidade de que, coa súa marcha da Xunta, se rebaixe o clima de confrontación.
“Eu dediqueime a Vigo durante 13 anos de presidencia da Xunta e cumprín con Vigo”, aseverou, e lembrou que levou a cabo as grandes actuacións anunciadas nos seus programas electorais para a cidade. Así, repasou algúns dos investimentos realizados nos últimos anos, como a construción do hospital Álvaro Cunqueiro, a achega para a nova depuradora, ou o impulso ao sector da automoción e do naval, “con carga de traballo, agás dous estaleiros”.
Por iso, afirmou que non vai perder ” moito tempo nisto”, porque se dedica “aos cidadáns de Vigo, a nada máis”. “Isto é aburrido, e os primeiros aburridos son os cidadáns de Vigo. Eu non vou formar parte do sainete”, resolveu.
Abel Caballero reclámalle á Xunta máis de 2.000 millóns de euros
