A cidade de Vigo rexistrou unha ocupación turística media en Semana Santa de case o 70%, cun pico do 90% o Venres Santo, segundo datos dados a coñecer este luns polo alcalde, Abel Caballero.
Neste sentido, o rexedor asegurou na súa rolda de prensa diaria que a ocupación media de xoves a domingo situouse no 82,4%, superando o 90% o venres, día de maior afluencia de turistas na cidade.
Segundo el, trátase dunha ocupación “altísima, elevadísima”, polo que desde o goberno local seguirase traballando nese ámbito, con novas “ideas” para a Semana Santa do ano que vén, co obxectivo de que Vigo se converta en “referencia” turística nesas datas.
Por iso, reivindicou o apoio do Concello a “todos” os actos levados a cabo nos últimos días na celebración da Semana Santa, sen querer adiantar que cambios haberá para o exercicio próximo.
