InicioPolíticaO PP de Vigo eloxia a Feijóo como "o mellor presidente que...

O PP de Vigo eloxia a Feijóo como “o mellor presidente que pode ter o PP”

Fernández-Tapias expresa a súa esperanza de que o PP consiga, co liderado de Feijóo, chegar á Moncloa.

PUBLICADO O

O PP de Vigo eloxiou este luns a Alberto Núñez Feijóo como “o mellor presidente que pode ter” o partido e tamén o mellor “que pode ter o Goberno de España”, e destacou a traxectoria, “capacidade de xestión” e “experiencia” do novo equipo de dirección do PP a nivel nacional.

Así o manifestou a presidenta do PP da cidade, Marta Fernández-Tapias, que formou parte da delegación de case 500 galegos que participaron no Congreso do partido en Sevilla este fin de semana.

“Eliximos o mellor presidente que pode ter o PP e que pode ter o Goberno de España”, proclamou, e subliñou que o conclave dos ‘populares’ foi “exemplar, modélico”, un “congreso da ilusión e a unidade”. Segundo engadiu, “sae o partido reforzado” e expresou a súa esperanza de que o PP consiga, co liderado de Feijóo, chegar a Moncloa, porque “ese país merece un goberno mellor, non como o que hai agora mesmo, que é o peor da democracia”.

Fernández-Tapias, que formou parte da mesa do Congreso de Sevilla, celebrou que o PP “está unido, é un partido de goberno e de maiorías”. “Temos ao mellor presidente nacional que podiamos ter, un equipo preparado, con traxectoria orgánica, capacidade de xestión e experiencia para afrontar os desafíos que se nos veñen diante”, subliñou.

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

Convocada para este domingo en Vigo unha concentración en repulsa polo asasinato machista de Oroso

O Feminismo Unitario de Vigo convocou para este domingo unha concentración en repulsa do...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...