O Diario Oficial de Galicia publicou este luns o nomeamento de Carmen Soto Davila como nova subdirectora de Enfermaría de Atención primaria na área Sanitaria de Vigo. Diplomada en Enfermaría e experta en Bioética pola Universidade Complutense de Madrid, nos últimos dous anos foi coordinadora de enfermaría do servizo de Pintor Colmeiro.

Na súa traxectoria profesional, segundo recolle a Xunta nun comunicado, traballou en diferentes unidades de hospitalización do antigo hospital Xeral e do Meixoeiro, aínda que nos últimos 15 anos estivo vinculada á atención primaria da área Sanitaria de Vigo, traballando en centro de saúde da Garda, Nicolas Pena e Pintor Colmeiro.