A Consellería de Emprego e Igualdade da Xunta de Galicia leva este venres ao CEIP Escultor Acuña de Vigo e ao CEIP Plurilingüe Mestre Ramiro Sabell Mosquera, de Ponteareas, dúas novas sesións de contacontos ilustrados sobre galegas referentes.
Tal como informou o Goberno autonómico, esta actividade repasará as traxectorias de mulleres como a profesora e inventora Ángela Ruiz Carballos ou a escritora Rosalía de Castro.
Esta iniciativa vai dirixida a alumnos de educación infantil e primaria, co obxectivo de que coñezan e recoñezan figuras de mulleres que tiveron un papel relevante no desenvolvemento da sociedade galega contemporánea. Enmárcase no programa ‘Donas de si’, co que o Goberno galego traballa con 65 centros escolares no ámbito da igualdade.
