A Casa dás Artes de Vigo acolle desde este venres e ata o próximo 5 de xuño a mostra ‘Laxeiro Inédito I’, unha colección de 13 pezas do artista correspondentes á súa primeira etapa creativa, entre os anos 30 e principios dos 50, con obras descoñecidas ata agora para o gran público.
O alcalde, Abel Caballero, asistiu esta mañá á inauguración, pondo en valor o traballo de recuperación da obra do artista que realizou a Fundación Laxeiro.
“A grandiosidade pictórica desta exposición reafirma a grandiosidade de Laxeiro como pintor universal, un dos grandes pintores que houbo en España”, sinalou o rexedor olívico, que é á súa vez o presidente da Fundación Laxeiro.
Para Caballero, é necesario que Laxeiro ocupe o lugar que lle corresponde a un artista “que aguanta a comparación cos máis importantes da arte contemporáneo do século XX”.
Na presentación da mostra tamén estivo o comisario da mesma, Javier Pérez Buján, quen explicou que se trata de obras “moi escollidas” nas que quedan patentes as preocupacións estéticas de Laxeiro nos anos 30 e 40. “Foi un pintor do factor humano. Nas súas obras sempre hai personaxes cunha historia que contar“, engadiu.