A Policía Local de Vigo pediu colaboración cidadá para atopar a un condutor que atropelou este mércores a unha persoa na cidade e deuse á fuga, deixando á vítima ferida grave. Os feitos ocorreron minutos antes das 21,30 horas na confluencia entre a rúa Marín coa avenida de Castelao. Segundo relataron as testemuñas aos axentes, o condutor, que circulaba por Castelao, atropelou a unha persoa e continuou a súa marcha pola rúa Marín.

O peón, de 41 anos de idade, resultou ferido grave, sendo trasladado ao Hospital Álvaro Cunqueiro. Por iso, a unidade de Atestados a Policía Local continúa coa investigación para tratar de localizar ao devandito condutor, do que se sabe que o vehículo que conducía é de cor branca e ten danos polo impacto no seu parte frontal dereita.