InicioVigo e contornaVigoO PP de Vigo propón utilizar 60 millóns de remanentes para construír...

O PP de Vigo propón utilizar 60 millóns de remanentes para construír vivenda pública

Tamén propoñen crear unha sociedade pública municipal para xestionar chan.

PUBLICADO O

- Advertisement -

O portavoz do grupo municipal do PP de Vigo, Alfonso Marnotes, propuxo crear unha oficina municipal de vivenda e utilizar 60 millóns de euros de remanentes do orzamento do Concello para construír vivendas públicas. Nunha rolda de prensa, Marnotes destacou que tanto A Coruña como Santiago de Compostela contan con medidas que incentivan a construción de vivenda protexida, mentres que en Vigo, o alcalde, Abel Caballero, “non fai nada” e, ademais, “pon trabas á Xunta que si as constrúe”.

“Imos pór de manifesto o que fai ou, mellor dito, o que non fai Caballero en Vigo para axudar ás persoas que necesitan unha vivenda. En 2007 prometeu 16.000 vivendas protexidas e non fixo nin unha. A súa xustificación é que vai esperar á PXOM”, lamentaron desde o PP, indicando que haberá que esperar “non menos de 10 anos” para que se poidan facer realidade. Marnotes lembrou que o Concello ten competencias para facer vivendas sociais. “Non só a Xunta, que quere facer 1.600 vivendas en Navia e Caballero non lle deixa”, criticou.

Por todo iso, o Partido Popular de Vigo propuxo que se usen os 60 millóns de euros de remanente libre que non teñen destino para crear un parque de vivenda pública municipal para promover e xestionar desde o Concello como fan “todos os concellos de España de máis de 200.000 habitantes menos Vigo”. Entre outras accións, tamén propón crear unha sociedade pública municipal para xestionar chan, facer equipamentos e promover e xestionar vivenda pública en vivenda e en aluguer.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...