InicioVigo e contornaVigoDetido tras ameazar ao dono dun bar en Vigo polo prezo da...

Detido tras ameazar ao dono dun bar en Vigo polo prezo da consumición

O home tivo que ser reducido pola Policía Local ao comportarse de forma agresiva.

PUBLICADO O

Un home, P.A.N. de Vigo e 36 anos de idade, foi detido na cidade por insultar e ameazar ao responsable dun local de hostalaría ao non estar de acordo coa tarifa da súa consumición. Tal como informou a Policía Local, os feitos ocorreron este luns sobre as 17,30 horas nun establecemento da rúa Florida, cando un home mostrou o seu malestar polo prezo da súa consumición, que ascendía a 4,90 euros, e comezou a increpar e a insultar ao resto de clientes.

Así, o encargado do establecemento chamouno á orde, procedendo o home a insultalo e a ameazalo, levantando unha cadeira “realizando o xesto de tirarlla” e convidouno a saír ao exterior para agredilo. Cando chegaron os axentes, o home xa non estaba no lugar, pero foi achado nas proximidades e negou a identificarse. Ademais, tamén comezou a insultalos, a tratar de darlles golpes coa cabeza e patadas, polo que foi reducido e detido pola suposta comisión dun delito leve de estafa e ameazas.

No exercicio dos seus dereitos, foi trasladado a un centro médico para ser atendido, onde continuou coa súa conduta “agresiva”, “chegando mesmo a ameazar ao médico e á enfermeira”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...