InicioVigo e contornaVigoDetido en Vigo por agredir á súa parella, á que encerrou nunha...

Detido en Vigo por agredir á súa parella, á que encerrou nunha habitación tras quitarlle o móbil

O home, de 31 anos, será investigado por un delito de violencia de xénero.

PUBLICADO O

Axentes da Policía Local de Vigo detiveron a un veciño da cidade, de 31 anos de idade, A.R.F., como presunto autor dun delito de violencia de xénero, tras agredir á súa parella, á que encerrou nunha habitación e á que quitou o teléfono móbil para que non puidese pedir auxilio.

Segundo informaron fontes policiais, os feitos ocorreron de madrugada nun domicilio da zona de Tomás Alonso. O 092 recibiu un aviso dun veciño que alertaba de que se estaba producindo unha discusión de parella en ton moi forte. Ata o lugar desprazouse unha dotación, que accedeu ao edificio grazas a un veciño que abriu a porta. Unha vez que identificaron a vivenda onde se estaban producindo os feitos, os axentes tiveron que chamar en repetidas ocasións porque ninguén abría.

Finalmente, saíu do piso un mozo, que asegurou que non pasara “nada”, e que só tivera unha discusión coa súa parella motivada por “celos”. Nese momento, os policías escoitaron berros de auxilio e entraron no piso, onde atoparon a unha muller encerrada nunha das habitacións. Ao entrar, observaron a unha moza chorando, cunha crise de ansiedade, e que pedía poder ver ao seu fillo, un bebé de 20 meses que se atopaba noutra estancia da vivenda.

A muller relatou aos axentes que tivera unha discusión coa súa parella e que o home a golpeou, antes de arrastrasla cara a unha habitación, onde a tiña retida. Ademais, explicou que o home lle quitou o teléfono móbil para impedir que chamase á Policía. Os funcionarios cachearon ao sospeitoso e atoparon o teléfono da moza nun dos petos do seu pantalón. Por isto e por todo o relatado pola muller, o mozo foi detido como presunto autor dun delito de violencia de xénero.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...