InicioCulturaUnha exposición lembra a pegada do arquitecto Michel Pacewicz en Vigo

Unha exposición lembra a pegada do arquitecto Michel Pacewicz en Vigo

A mostra, impulsada polo Colexio oficial de Arquitectos de Galicia e o Concello de Vigo, pode visitarse no centro comercial Vialia.

PUBLICADO O

Vigo acolle unha exposición sobre o arquitecto francés de orixe polaca Michel Pacewicz, autor de edificios emblemáticos da cidade, na que desenvolveu os seus últimos 17 anos de actividade profesional, con motivo do centenario do seu falecemento.

O alcalde, Abel Caballero, participou este luns na inauguración da mostra sobre Michel Pacewicz, nacido en Francia en 1843 e falecido en Vigo en 1921. A mostra, denominada ‘Exposición polo centenario do falecemento de Michel Pachewicz’, foi impulsada pola Delegación de Vigo do Colexio oficial de Arquitectos de Galicia (COAG) e o Concello.

Así, o centro comercial Vialia acolle paneis informativos sobre a figura do arquitecto que contan con texto e imaxes da súa obra. A iniciativa conta cun orzamento de 14.000 euros e busca lembrar a figura deste profesional, que deixou en Vigo obras como o edificio Moderno, a Escola Municipal de Artes e Oficios, a Casa Yáñez, as Casas de Oya e a Casa Rosendo.

Por outra banda, en rolda de prensa, o rexedor olívico explicou que o Concello renovará a iluminación do Monte da Guía cun investimento de 395.000 euros, un proxecto de mellora que espera o visto e prace da Dirección Xeral de Patrimonio Cultural da Xunta.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...