InicioVigo e contornaVigoDetida unha parella de Vigo por vender cocaína na zona da Chapela

Detida unha parella de Vigo por vender cocaína na zona da Chapela

Están acusados dun delito contra a saúde pública.

PUBLICADO O

- Advertisement -

Axentes da Policía Nacional da Comisaría de Vigo detiveron a unha parella, veciños de Vigo, como supostos autores dun delito contra a saúde pública, por distribuír ‘polo miúdo’ cocaína na zona de Chapela, no municipio veciño de Redondela.

Segundo informaron fontes policiais, as investigacións iniciáronse a principios deste ano, cando o grupo UDEV-Drogas da Comisaría tivo constancia, a través de chamadas telefónicas ao 091 e de denuncias anónimas recibidas por medio de diversas plataformas, de que unha parella estaba a distribuír cocaína en Chapela, tanto a consumidores como a pequenos vendedores.

As pescudas postas en marcha permitiron determinar que os sospeitosos levaban tempo dedicándose á venda de estupefacentes, e que ambos tomaban moitas precaucións e medidas de seguridade nos seus desprazamentos e nas súas transaccións, para eludir a acción policial.

Tras a súa identificación, ambos foron detidos e, este mércores, realizouse unha entrada e rexistro no seu domicilio, onde a Policía atopou unha báscula de precisión, recortes de plástico, teléfonos móbiles, e outros efectos, que foron intervidos. Tamén se lles interviron dous vehículos que utilizaban para a súa actividade delituosa, 3.500 euros en billetes fraccionados e multitude de décimos de Lotaría de Nadal. Os detidos pasaron a disposición do Xulgado de Instrución número 1 de Redondela.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...