Un home domiciliado en Vigo de 42 anos, L.G.P., foi detido por golpear na cabeza á súa parella no transcurso dunha discusión. Fontes policiais detallaron que os feitos tiveron lugar este mércores sobre as 21,45 horas, cando os axentes foron alertados dun posible caso de violencia de xénero no Camiño Nancales.

Tras desprazarse ao lugar, os policías entrevistáronse cunha muller que presentaba unha marca na orella dereita e que explicou que, pouco antes, no transcurso dunha discusión, a súa parella golpeáraa na cabeza e abandonara apresuradamente o domicilio.

Posteriormente, o home regresou á vivenda e, ao advertir que os funcionarios se atopaban o interior, tratou de evitar ser identificado, mostrouse moi nervioso e facilitou datos falsos. Dado o seu recoñecemento por parte da muller, os policías detivérono pola suposta comisión dun delito de violencia de xénero. Na xornada do pasado mércores 22, a cidade olívica rexistrou outra caso que está a ser investigado como violencia machista cando un home foi detido por golpear á súa parella e deixala pechada na casa.