O alcalde de Vigo, Abel Caballero, manifestou que o presidente do Goberno, Pedro Sánchez, “apoia” a súa demanda sobre o AVE e o trazado pola variante de Cerdedo, que volveu cualificar de “irrenunciable”. A preguntas dos xornalistas sobre esta cuestión e se lle trasladou esta reivindicación a Sánchez no congreso dos socialistas galegos, aseverou que o titular do Executivo central “apoia” o que el expón. “Se o que opina a ministra e a secretaria de Estado”, dixo sobre o Ministerio de Transportes. “Comparten comigo que é irrenunciable”.

Caballero, que asegurou que hai un trámite administrativo que “hai que superar rápido”, incidiu en que o que quere é “a vontade política de todo o mundo”. “E estoume referindo tamén a Feijóó, quen non apoia o AVE a Vigo é Feijóo”, sentenciou. Así, culpou ao presidente da Xunta, á exministra Ana Pastor e ao expresidente do Goberno Mariano Rajoy de ser os que “deixaron á principal cidade deste país sen AVE”. “Agora é Sánchez quen o está resolvendo”, apostilou.