Unha muller faleceu este sábado tras chocar a moto na que viaxaba como acompañante cun coche na estrada N-120, ao seu paso polo concello de Ponteareas, en concreto, no punto quilométrico 647.

Segundo informou o 112 Galicia, varios particulares puxéronse en contacto co servizo para informar deste accidente pasadas as 17,00 horas, indicando que os motoristas implicados na colisión estaban feridos. Desde o 112 deuse aviso o Servizo de Urxencias Sanitarias de Galicia – 061, á Garda Civil de Tráfico, aos Bombeiros e a Protección Civil de Ponteareas.

Ata o lugar achegouse tamén a Policía Local do municipio que confirmou que a persoa que ía de acompañante na moto falecera e que o motorista estaba ferido. Por último, os servizos sanitarios comunicaron ao 112 Galicia que, ademais do condutor da moto, tiveran que trasladar ás outras dúas persoas implicadas.