A Raíña Letizia inaugura este luns en Vigo o Congreso FAO sobre nutrición

Este evento dará o 'pistoletazo' de saída á feira de produtos conxelados do mar (do 5 ao 7 de outubro no Instituto Feiral de Vigo).

Os Reis, Letizia e Felipe VI

A Raíña Letizia participará este luns na inauguración do IX Congreso Internacional FAO-Conxemar sobre nutrición e saúde, que dá o ‘pistoletazo’ de saída á feira de produtos conxelados do mar (do 5 ao 7 de outubro no Instituto Feiral de Vigo).

Na inauguración deste encontro, ademais da súa Maxestade a Raíña, que é Embaixadora Especial da FAO para a Nutrición, tamén participarán o ministro de Agricultura, Pesca e Alimentación, Luís Planas; o presidente da Xunta, Alberto Núñez Feijóo; o alcalde de Vigo, Abel Caballero; o director da División de Política e Recursos de Pesca e Acuicultura da FAO, Manuel Barange; e o presidente de Conxemar, José Luís Freire.

O Congreso celébrase no Auditorio Mar de Vigo a partir das 10,00 horas e abordará os beneficios do peixe e outros alimentos acuáticos para a saúde.

Ao longo de toda a xornada, que será conducida pola divulgadora científica e tecnóloga dos alimentos, Beatriz Carballos, poderán escoitarse as intervencións de 11 relatores procedentes de países como España, Francia, Reino Unido, Chile, Sudáfrica, Noruega ou Uganda.

Así, a primeira sesión centrarase en ‘Dieta e Saúde’ e contará cos relatorios de Marian Kjellevold, científica senior no Instituto de Investigacións Mariñas de Noruega; Alfredo Martínez, experto en nutrigenética en IMDEA-IUNS; e Carme Ruscalleda, única chef muller con sete estrelas na Guía Michelin.

A segunda sesión abordará a ‘Nutrición e Sistemas Alimentarios’. Florence Tartanac, oficial de agroindustria da FAO; Zachary Koehn, do Stanford Centre of Ocean Solutions; e o Dr. Nicholas Ralston, investigador biomédico da Universidade de Dakota do Norte e Sage Green NRG, exporán os últimos avances na materia.

A terceira sesión, titulada ‘Alimentos acuáticos nutritivos, alcanzables e sustentables dos mercados locais’, contará coas intervencións de Maarten Bavinck, profesor de Gobernación de Recursos Costeiros da Universidade de Ámsterdam; Graciela Pereira, asesora técnica de Infopesca en Uruguai; e Margaret Nakato, directora executiva de WFF.

A cuarta e última sesión porá sobre a mesa as ‘Políticas de apoio a unha mellor nutrición”‘, e intervirán Bibi Giyose, de AUDA-NEPAD; e Jacqueline Salas, da Subsecretaría de Pesca de Chile, para pór exemplos da promoción do consumo de produtos do mar.

FEIRA CONXEMAR

O Congreso celébrase na cidade olívica como ‘aperitivo’ da gran feira de produtos do mar conxelados, Conxemar, que se desenvolverá no Ifevi entre o 5 e o 7 de outubro, tras a obrigada suspensión da edición de 2020 pola pandemia de Covid.

Precisamente, a organización do evento, que alcanza a súa 22ª edición, ha focalizado os seus esforzos este ano en garantir a seguridade sanitaria de expositores e visitantes (corredores máis amplos, itinerarios para a circulación das persoas, uso obrigatorio de máscara e presentación de certificado de vacinación ou PCR).

Conxemar 2021 contará con 486 expositores e coexpositores de 28 países, coa presenza de Australia e Guinea-Bissau por primeira vez. A presenza internacional refórzase cos 10 pavillóns de Perú, Marrocos, Australia (novo), Irlanda, Noruega, Alaska, Ecuador, Indonesia (novo), Panamá e Guinea-Bissau (novo).